Мы, беларусы - мірныя людзі,

Сэрцам адданыя роднай зямлі.

Долар набылі, цукар скупілі.

Зараз стаім у чарзе зняць рублі...

Разам з братамі, дружна хапалі

Грэчку з прылаўкаў ды макарон.

У "Лініі" былі, алею дабылі,

I ў чарзе апынуліся зноў!

Колькі магчыма заправім машыны,

Будзем змагацца ўсю ноч пад даждом.

У бітве за тэлік, у бітве за велік,

Мы прыцягнем мэблю ў кожны наш дом!

Слаўся інфляцыі светлае імя!

Слаўся народны ажыятаж!

Будзем мы зараз як у тыя "ліхія",

Зноў будаваці наш сонечны шлях!